影片
更多
2021-12-12
91 浏览
朋友无介绍错既火锅店今日放假本身谂住唔出门口，点知朋友话book咗旺角嘅新南苑，话朋友介绍好好食，咁就唯有出门口啦。朋友收早book咗6:00。上到去可能时间尚早冇乜人，直接有得入去，坐埋位侍应就介绍一开始有个鸡煲，然后有牛肉餐同牛肉海鲜餐拣，我同我朋友拣咗个牛肉餐，等咗一阵鸡煲已经嚟到。先讲吓个鸡煲，半只鸡份量唔算太多一打开盖香气扑鼻。辣味唔算太重，鸡件都算多肉但又唔会太柴，算几好食。食完鸡煲到拣汤底打边炉，喺呢度要讲一讲佢哋三人先有得拣啲特别汤底。我哋得两个唯有用清汤底。牛肉十分有惊喜，服务员细心咁介绍唔同嘅部位，卖相真系好好。渌熟咗之后啲牛依然咁滑。配料𠮶啲都几多选择值得一提嘅系灌汤小笼包，第一次打边炉有小笼包叫咗几过试吓，都几好食。仲有，佢哋啲虾都几新鲜下。饮品𠮶度系自助式嘅有款果汁从来未喺其他地方见过，几好饮唔算太甜。我哋两个最后食咗六百几蚊价钱以食物质素来讲都算好OK。顺带一提我哋走𠮶阵时大概系八点几已经满座，想食嘅朋友早啲去比较好。餐厅仲可以播英超 足球直播，一路食一路睇既话，整体环境气氛应该唔错。
今日放假本身谂住唔出门口，点知朋友话book咗旺角嘅新南苑，话朋友介绍好好食，咁就唯有出门口啦。朋友收早book咗6:00。
上到去可能时间尚早冇乜人，直接有得入去，坐埋位侍应就介绍一开始有个鸡煲，然后有牛肉餐同牛肉海鲜餐拣，我同我朋友拣咗个牛肉餐，等咗一阵鸡煲已经嚟到。
先讲吓个鸡煲，半只鸡份量唔算太多一打开盖香气扑鼻。辣味唔算太重，鸡件都算多肉但又唔会太柴，算几好食。食完鸡煲到拣汤底打边炉，喺呢度要讲一讲佢哋三人先有得拣啲特别汤底。我哋得两个唯有用清汤底。
牛肉十分有惊喜，服务员细心咁介绍唔同嘅部位，卖相真系好好。渌熟咗之后啲牛依然咁滑。配料𠮶啲都几多选择值得一提嘅系灌汤小笼包，第一次打边炉有小笼包叫咗几过试吓，都几好食。仲有，佢哋啲虾都几新鲜下。饮品𠮶度系自助式嘅有款果汁从来未喺其他地方见过，几好饮唔算太甜。我哋两个最后食咗六百几蚊价钱以食物质素来讲都算好OK。
顺带一提我哋走𠮶阵时大概系八点几已经满座，想食嘅朋友早啲去比较好。餐厅仲可以播英超 足球直播，一路食一路睇既话，整体环境气氛应该唔错。
张贴
