影片
更多
2022-03-19
163 浏览
最近好想打边炉但系出街买材料又唔可以买到咁多种类，留意到平时有食开嘅牛大人都推出左火锅外卖套餐，喺屋企打边炉安安全全又可以食到牛大人嘅味道！牛大人大驾光临（4人份）里面有劲多款式，基本上四个人系唔会食得晒，如果大家庭六至八人应该都够食。汤底可以10款之中自选，牛大人红烧牛骨骨锅就最香，咸香十足带点甜味，仲有两大兜，就算中途要加汤都唔使惊，有多无少。里面预设有安格斯特选牛板腱16片+上腹牛五花16片+西班牙猪梅肉片16片+花雕酒鸡8件+蔬菜拼盘劲多牛同猪，食肉兽都够食，质素都系任食A-B餐嘅水准，另外仲有花雕酒鸡里面又有杞子𠮶啲，好补，质感滑身少骨，健康当然最紧要系蔬菜，里面有超过10款唔同嘅蔬菜，唔使另外加都够晒食。预设仲有酱料特调酱油+蒜，葱，手切辣椒，炸蒜，芫茜～唔使担心要自己预备酱汁。除咗固定之外，最正嘅就系有得俾你拣想食啲咩水饺，食边款浆、丸、连茶都包埋。例如好似屋企人对虾敏感，我就全部唔拣虾，大家都可以齐齐享用。台湾手工水饺 x 4款高丽菜水饺4粒/瓜仔鸡水饺4粒/福建燕饺4粒/台式蛋饺4粒一人一粒，拣得梗系食啲平时食唔到嘅，台式饺子虽然个皮比较厚但系都好好食，燕饺就似平时食
牛大人大驾光临（4人份）里面有劲多款式，基本上四个人系唔会食得晒，如果大家庭六至八人应该都够食。
汤底可以10款之中自选，牛大人红烧牛骨骨锅就最香，咸香十足带点甜味，仲有两大兜，就算中途要加汤都唔使惊，有多无少。
里面预设有
安格斯特选牛板腱16片+上腹牛五花16片+西班牙猪梅肉片16片+花雕酒鸡8件+蔬菜拼盘
劲多牛同猪，食肉兽都够食，质素都系任食A-B餐嘅水准，另外仲有花雕酒鸡里面又有杞子𠮶啲，好补，质感滑身少骨，健康当然最紧要系蔬菜，里面有超过10款唔同嘅蔬菜，唔使另外加都够晒食。
预设仲有酱料特调酱油+蒜，葱，手切辣椒，炸蒜，芫茜～唔使担心要自己预备酱汁。
除咗固定之外，最正嘅就系有得俾你拣想食啲咩水饺，食边款浆、丸、连茶都包埋。例如好似屋企人对虾敏感，我就全部唔拣虾，大家都可以齐齐享用。
台湾手工水饺 x 4款
高丽菜水饺4粒/瓜仔鸡水饺4粒/福建燕饺4粒/台式蛋饺4粒
一人一粒，拣得梗系食啲平时食唔到嘅，台式饺子虽然个皮比较厚但系都好好食，燕饺就似平时食𠮶啲鱼皮饺不过个皮质感唔同。
台湾在地直送浆类 x 4款
手打旗鱼浆/澎湖花枝浆/真味牛肉浆/蟹籽墨汁浆
劲多款唔同嘅浆拣，简直花多眼乱，就拣啲唔同材料嘅，颜色都好唔同，款款都好突出到食材嘅鲜味，重点系充满口感。
台湾直送 x 6款
芋头贡丸4粒/竹炭海鲜丸4粒/海胆包4粒/乳酪蛋肠4粒/拔丝芝心包4粒/虱目鱼丸4粒
丸要拣就拣啲自己钟意食或者特别嘅，例如芋头公园、竹炭海鲜卷、乳酪蛋肠呢啲平时都比较少食到，味道都比较得意，比较重味。
饮品 x 4款
桂花乌龙冷泡茶/菊花普洱冷泡茶/洛神花茶冷泡茶/白桃乌龙 饮死一种都会闷，不如一次过拣四款唔同，大家开心share，无糖茶而且冻冰冰最清新。
张贴
