樓下冰室 (已結業)

最近因为疫情，都少咗人出街食饭，变咗再加上政府嘅规则，啲食客距离都比较远，边相出去食饭都多咗一份安心。嚟咗呢间位于路德围嘅楼下冰室，原来佢喺荃湾都有其他分店㖞，嚟紧鲗鱼涌都有分店？越开越多餐牌选择都多，价钱适中啦，又唔系特别平又唔系特别贵。我就拣咗个牛乳炒蛋蕃茄通粉，加咗猪润，啲猪膶都爽口，真心个炒蛋系好食，佢话甜甜地有啲牛奶味，蕃茄汤底酸味同甜味道恰到好处，食到有蕃茄肉，好食又健康。另外配搭左款小食就系脆炸鸡粒，几香口，表面啲粉辣辣地令个味道几香，估唔到有咁多粒，好丰富。朋友就叫啲特色野，蚝仔泡饭，我哋叫咗小凡但系饭嘅份量其实都唔少，里面有啲芫荽香葱，完全提升晒个味，蚝仔唔算好大粒，但系份量都多，整体都唔错下次可以翻Check！嘢饮我哋都拣咗华田脆脆，好大杯，上面一粒粒𠮶啲估计系𠮶啲早餐谷物整碎咗，变咗好有口感又好味，钟意食嘅不妨叫呢个试试。