阿佳拌麵

营业中

休息中

阿佳拌面呢间店喺葵涌广场已经开咗一段时间，成日都有人排队买嘢食。所以今次一于去试一试！谂住做埋晚餐，一次过买埋屋企人份量，包括蚵仔面线$38 + $5千页豆腐蚵仔比想像中大粒，好香，鲜味十足，而且面线里面又有花生又有芫荽，味道突出，食落肚都几饱肚。面线质感细滑。贡丸+花枝丸面线$38 +$5个质感比想像中弹牙得多，而且带有咸香，充满台式风味。肉燥拌面$38 如果钟意食干身嘅嘢，拌面都系唔错嘅选择，全部面都已经平均有晒酱汁味道，可以选择原味、沙茶、芝麻、麻辣等，原味都好有咸香。里面仲已经包咗渍物、豆腐等，面质咸香。肉燥比想像中有少少甜味，好match。