Rimi Cafe (已結業)

前菜选择蒜片牛柳粒，作为前菜份量都唔算少，粒粒牛柳肉质唔鞋唔难咬，大小啱啱好，一口一粒，切开仲见到半红肉质够哂juicy。跟住拣咗鲜虾蒜辣炒天使面，一上碟就有满满的五只虾铺满天使面，好有心思。而天使面较一般意粉幼身，比较入味，食落每啖都充满蒜辣味，天使面较硬身，系我哋中意的口味。接下来上枱嘅系BBQ汁烧猪肋骨配薯菜，好高质，居然仲有原条猪肋骨上！！！好震撼！！！烧得入味而且肉质嫩滑，食到我地舐舐脷。而男友另外单嗌咗三只蜜糖芥末鸡翼，蜜糖芥末汁甜甜地又少少辣，几好食。最后我地一人嗌咗一杯四季春茶，作为餐饮好高质，同外面三四十蚊一杯嘅台式饮品质素差不多。食完嘢店员都好欢迎我地继续坐低倾偈，十分友善。我同男友都好中意呢间cafe，bookmark 咗日后都可以经常来！