影片
更多
2020-04-14
36 浏览
荃湾有一间西餐厅，都几得意，里面啲嘢食感觉好fusion，价钱唔贵，而且喺千色汇，都算系几近地铁站。最近因为疫情，佢哋都早左关门（19:00关），我哋五点几嚟食，就可以食到下午茶同埋晚餐。餐牌选择好多，不过分类唔算非常清晰，要慢慢睇，好多资料!原个蕃茄浓汤安格斯牛肉汤乌冬$68呢个我都几推荐，有好多件牛肉可以放落去整熟佢，有好浓厚嘅番茄汤味，番茄汤味酸酸地几开胃呀，味道清新，而且可以加啲脆米，旁边亦都有其他蔬菜，健康啲可以食埋里面成个番茄，加埋啲乌冬够弹牙，好似自己DIY咁真心吸引！石烧肉眼扒配薯条$128肉眼扒就普普通通，不过不失，有调味，口感也够林，加啲黑椒汁或者烧汁就香啲，比较钟意食佢个薯条，口感香脆热辣辣，点埋个独立包装嘅番茄酱够卫生！ 流心芝士西多士$32加$10有特饮 拣咗士多啤梨法国牛乳特饮$42流心芝士西多都几香㖞！里面芝士个份量都好足够，所以每一粒切开都有好香浓嘅芝士味，无论系热辣辣嘅时候流心，定系摊冻咗变咗硬身芝士，一样咁好食。士多啤梨饮品我都几钟意，佢个甜味非常适中，唔系出面𠮶种咁甜嘅饮品，而且食到少少一粒粒口感，吸引！雪糕杨枝甘露$48（因叫咗主菜，加$20就有
最近因为疫情，佢哋都早左关门（19:00关），我哋五点几嚟食，就可以食到下午茶同埋晚餐。
餐牌选择好多，不过分类唔算非常清晰，要慢慢睇，好多资料!
原个蕃茄浓汤安格斯牛肉汤乌冬$68
呢个我都几推荐，有好多件牛肉可以放落去整熟佢，
有好浓厚嘅番茄汤味，番茄汤味酸酸地几开胃呀，味道清新，
而且可以加啲脆米，旁边亦都有其他蔬菜，健康啲可以食埋里面成个番茄，加埋啲乌冬够弹牙，好似自己DIY咁真心吸引！
石烧肉眼扒配薯条$128
肉眼扒就普普通通，不过不失，有调味，口感也够林，加啲黑椒汁或者烧汁就香啲，
比较钟意食佢个薯条，口感香脆热辣辣，点埋个独立包装嘅番茄酱够卫生！ 流心芝士西多士$32加$10有特饮 拣咗士多啤梨法国牛乳特饮$42
流心芝士西多都几香㖞！里面芝士个份量都好足够，所以每一粒切开都有好香浓嘅芝士味，无论系热辣辣嘅时候流心，定系摊冻咗变咗硬身芝士，一样咁好食。
士多啤梨饮品我都几钟意，佢个甜味非常适中，唔系出面𠮶种咁甜嘅饮品，而且食到少少一粒粒口感，吸引！
雪糕杨枝甘露$48（因叫咗主菜，加$20就有）
依个我个friend叫，佢话好好饮，我都试咗，味道甜甜地，都系正常杨枝甘露味道，加上有个芒果雪糕， match埋都好夹～
呢间店都有外卖，如果唔想堂食，其实外卖都系一个选择！
张贴
