影片
更多
2009-06-15
37 浏览
食完呢间野，才知Open Rice的可贵，可以将我的不幸与怒火告知天下食家！！事情发生o系昨晚，本身我地一行十四人，包括11个大人(当中两个大肚婆)，5个BB连小朋友出去食晚饭，咁我就提意不如去葵涌呢间"味见世"食日本o野。呢间日本料理之前我地已经去过三次，味道同服务都觉得ok，但今晚o既水准大不如前，不但味道差咗，就连服务态度都直插谷底！先讲味道，其实我地都叫咗好多o野，而其中o既两客盐烧三文鱼头，就真系未试过有一间日本料理整得咁唔好食，肉质不单至又干又'鞋'，而且系接近冇咸味，平时去其他地方食呢味𩠌都会觉得有种咸香味，而且有好多鱼油，亦系我地平时必食之选，但今晚真系好dry啰！跟住个牛肉锅物，汤底超甜！好似糖水咁！好难食！最后令我地成枱人食到一肚气o既就系细佬个杂锦天妇罗冷面，其实个面唔系难食，天妇罗亦只算普通(咁当然唔及o系日本食咁好味啦)，而系个冷面汁o既问题，细佬话因为个汁冇味，所以佢就将同冷面一齐上o既'x春蛋'mix埋d冷面汁度啦！但点知mix完更加唔掂，所以就要求个待应不如再俾多份冷面汁佢，等佢唔驶浪费咗碟面啦！点知个肥待应就话要收番$5，咁细佬谂住我地帮衬食咗咁多o野
事情发生o系昨晚，本身我地一行十四人，包括11个大人(当中两个大肚婆)，5个BB连小朋友出去食晚饭，咁我就提意不如去葵涌呢间"味见世"食日本o野。呢间日本料理之前我地已经去过三次，味道同服务都觉得ok，但今晚o既水准大不如前，不但味道差咗，就连服务态度都直插谷底！
先讲味道，其实我地都叫咗好多o野，而其中o既两客盐烧三文鱼头，就真系未试过有一间日本料理整得咁唔好食，肉质不单至又干又'鞋'，而且系接近冇咸味，平时去其他地方食呢味𩠌都会觉得有种咸香味，而且有好多鱼油，亦系我地平时必食之选，但今晚真系好dry啰！
跟住个牛肉锅物，汤底超甜！好似糖水咁！好难食！
最后令我地成枱人食到一肚气o既就系细佬个杂锦天妇罗冷面，其实个面唔系难食，天妇罗亦只算普通(咁当然唔及o系日本食咁好味啦)，而系个冷面汁o既问题，细佬话因为个汁冇味，所以佢就将同冷面一齐上o既'x春蛋'mix埋d冷面汁度啦！但点知mix完更加唔掂，所以就要求个待应不如再俾多份冷面汁佢，等佢唔驶浪费咗碟面啦！点知个肥待应就话要收番$5，咁细佬谂住我地帮衬食咗咁多o野，问佢$5可唔可以free俾佢，佢跟住就好晦气咁话:「我地唔系冇俾冷面汁你㖞！系你自己将只蛋捣咗落去，咁唔系我地o既问题㖞！」讲完即刻走咗去。佢咁o既态度我地梗系条气唔顺啦！咁我阿妈咪叫佢叫老板出o黎啰！点知个肥待应话:「我地老板唔系度，净系得负责人啫！」咁我地心谂，老板唔出o黎唔紧要，有负责人见下都好吖！起码可以反映下佢地有d好冇礼貌o既待应，而且亦谂住做得负责人应该唔会为咗$5得失我地！(其实我地知道老板o系度，只系佢地唔肯叫佢出o黎)但点知个所谓o既负责人出到o黎更加唔好老'皮'，(系一个中年女人o黎，我地估佢系老板加藤师傅个老婆)佢一出场就起晒'gong'，我地同佢好声好气咁再解释一次再攞冷面汁o既理由，亦都话我地之前都帮衬过几次，咁我地咁多人食咁多o野可唔可以free俾我地，但佢竟然话:「我地d汁系师傅续碗整ga，系用d靓料o黎整，而且我都有底线啰！呢d o野系冇得free ga！」跟住话一讲完，佢就即刻调头走！唔止咁，佢跟住听到我地o系度话佢地冇礼貌，佢仲好冇品咁话:「你系咪想要吖！一系我捞d豉油俾你啰！」哗！你地话激唔激气！简直扯火呀！而家又话经济唔好，生意难做！我觉得佢地好似唔休做咁，完全唔志在我地呢班客，连最基本做样o既说话:「唔好意思，帮唔到你！」都冇！劲冇礼貌！我地全家，本来真系觉得呢间o野之前食ok先至会再o黎，点知仲要受埋d咁o既气，真系写完个心情都好火滚！昨晚食咗$1600几蚊真系唔会再有下次呀！
张贴