磯の水產

营业中

休息中

原来海滨道呢边都多咗好多嘢食，见到呢一间日式装修感觉浓厚嘅餐厅，应该系新开左一段时间，钟意佢有落地玻璃，咁个餐厅好开阳，见到佢有啲午餐定食，今日同老公lunch就去试吓。店员服务好有礼貌，座位好宽阔，楼底好高，入边好多日式嘅装饰，lunch喺度食感觉可以松下😆我哋叫咗两个午餐💁🏻‍♀️🐟寿司八点定食：八款手握寿司，每件即制，份量好足，有带子，三文鱼，吞拿鱼，海胆等等，每件都好新鲜，鱼生有鱼香但唔腻，食到新鲜直送嘅感觉。🦐特上海鲜饭定食：呢个杂锦鱼生饭好多料，有大大件鲍鱼，劲大只鲜虾，海胆，鱼籽，带子，三文鱼等等，虽然每样系一件，但系好多，同埋份量真系好足，亦都配上Wasabi同埋姜。每个套餐都会有前菜，今日系紫番薯蓉配上胡麻酱，第一次咁样食原来都几特别㖞，好特别嘅开前菜。日式茶碗蒸，入边好鲜甜，啲蛋整到好滑嘟嘟。仲有面豉汤，热辣辣，唔会太咸。另外我哋叫咗椰子雪糕，好香浓嘅椰子味，夹杂云呢拿雪糕，唔会好甜。