Picoso

营业中

休息中

今次黎到Picoso，系荔枝角地铁站D2 Place附近，行完街好就脚。一入到门口就俾佢木色调嘅装潢吸引，店家有好多墨西哥民族风嘅装饰挂墙，最紧要系连啲餐碟都有认真挑选，好有品味，非常适合影相打卡。墨西哥秘制香料烧鸡 配薯角香料浓郁而又不重口味，外皮烧到焦脆，切开或者撕开都好顺滑，肉质软嫩，少许辣味，惹味香口；薯角炸得香脆，加上蜂蜜芥末酱，好食到停唔到；再配上酸醋沙律，非常开胃去腻。Tacos墨西哥玉米饼墨西哥菜必食之选，馅料丰富到不得了，除咗充满肉汁嘅烟熏手撕猪肉，仲有豆蓉、芝士碎、生菜、碎蕃茄粒、粟米粒，配搭上酸忌廉同牛油果酱，带出清新口感平衡味觉。秘制蟹肉炸饼系店家招牌，表皮炸得酥脆，睇佢切面就知唔怕俾人望，满满蟹肉，绝对足料，食落好有满足感。