小火焰韓式咖啡廳 (金山樓) (已結業)

今日，约左钟意韩国既朋友食饭，佢话大围呢间小山火燄好好食。 既然朋友都推荐，更系去试。佢menu真系好多选择，基本上讲得出既韩菜都有，而且感觉唔太港式，几特别。我地就叫左个弘大二人餐，入面都有好多野食，可以试多啲。加左$10有酱油鲍鱼配手握菜饭，几抵wor。鲍鱼好大只，食落几爽口，唔错。 脆米猪手沙律，猪手都几厚切，下面既好似粉丝既野真系好脆，沙律菜都好新鲜。年糕炸鸡好正呀，唔太肥，辣同甜又啱啱好，爽埋年糕，好快食晒。雪香牛骨汤锅真系几香，牛仔骨都唔硬，仲有粉丝系底，劲满足。泡菜肥牛炒粉丝，又系劲正，泡菜唔太辣，夹肥牛炒得好唔错。然后再食埋个甜品同饮埋野，真系饱得好犀利，佢每个𩠌都好足料，好大碟，真系好正。约多啲人一齐食仲抵。