影片
更多
2011-09-16
368 浏览
农历新年除左有利是逗，因为唔洗返工，所以有好多好野食，其中一餐就系Auntie J 喺富声请我地食既开年饭。可能因为楼面矮啦，一出「车立」门第一个感觉系好嘈，幸好Auntie一早安排左间房。房内活动空间充足，又有电视睇，带埋小朋友黎都绝对冇问题。全餐饭重有位好有礼貌o既姐姐仔负责为我地打点一切；虽则做到一脚踢，见佢毫无怨言喺度埋头苦干，真系冇野可以投诉。Auntie真系好客气，预订左个好丰富o既新年套餐，食到XO揽住个肚： 龙凤呈祥脆金猪：姐姐仔即场分𩠌，斩件，真系好忙。讲返道𩠌，猪皮脆，不过唔够松化；猪肉胜在唔咸，同埋肉质唔干，因而唔嚡。同枱o既女士们大赞只猪冇肥膏；佢地只在乎食得健康，而并不介意只猪本身系肥定瘦，所以冇人探究系咪师傅预先把肥层片去。 黄金煎大花虾：高胆固醇之作，好在咸蛋黄份量唔会太重，所以食完一只都唔会觉得溜。黄金虾靓靓o既外表虽然好cool，但系个虾心好够热架，咬完第一口，Ｄ烟就拥哂出黎。黄金皮好够松脆，只虾亦好爽口，必吃推介之选！ 红烧竹笙鸡丝烩生翅：个汤底好够火腿同鸡味，芡汁唔会过火，爱食鱼翅o既ＸＯ食得津津有味。 清蒸游水海石斑：蒸o既时间掌握得好好，鱼肉
可能因为楼面矮啦，一出「车立」门第一个感觉系好嘈，幸好Auntie一早安排左间房。房内活动空间充足，又有电视睇，带埋小朋友黎都绝对冇问题。全餐饭重有位好有礼貌o既姐姐仔负责为我地打点一切；虽则做到一脚踢，见佢毫无怨言喺度埋头苦干，真系冇野可以投诉。
Auntie真系好客气，预订左个好丰富o既新年套餐，食到XO揽住个肚：
龙凤呈祥脆金猪：姐姐仔即场分𩠌，斩件，真系好忙。讲返道𩠌，猪皮脆，不过唔够松化；猪肉胜在唔咸，同埋肉质唔干，因而唔嚡。同枱o既女士们大赞只猪冇肥膏；佢地只在乎食得健康，而并不介意只猪本身系肥定瘦，所以冇人探究系咪师傅预先把肥层片去。
黄金煎大花虾：高胆固醇之作，好在咸蛋黄份量唔会太重，所以食完一只都唔会觉得溜。黄金虾靓靓o既外表虽然好cool，但系个虾心好够热架，咬完第一口，Ｄ烟就拥哂出黎。黄金皮好够松脆，只虾亦好爽口，必吃推介之选！
红烧竹笙鸡丝烩生翅：个汤底好够火腿同鸡味，芡汁唔会过火，爱食鱼翅o既ＸＯ食得津津有味。
清蒸游水海石斑：蒸o既时间掌握得好好，鱼肉非常鲜甜嫩滑，个豉油汁亦教得甜咸适中。
鹅掌：一人一大只鹅掌，质感腍滑；伴碟o既冬菇都好香爽。
红酒煮牛尾：Auntie极力推荐o既一味。牛尾煲得好够腍，肉质软又唔干，而且好入味，真系冇介绍错。
富声鸡：鸡骨中o既鲜红色代表厨房系用新鲜鸡黎煮，真材实料；妇女们解释话，如果系瘀红色呢，就代表系冰鲜鸡wor。怕骨o既ＸＯ只食鸡什(内脏)同埋全只鸡最嚡𠮶部份，即鸡胸！哗，连鸡胸肉都咁嫩，所以结论系只鸡好得！带甜味o既汁亦带来少少惊喜，顺理成章地再加多半分。
糯米饭：一Ｄ都唔油腻，系做得比较干身o既糯米饭，唔健康之中o既健康。料同饭o既比例好好，两者都唔会出现太硬o既情况，而且味道都好出色，单尾推介！
双囍伊面：可能因为糯米饭太精彩，所以好普通o既伊面喺相比之下就逊色左少少。
当日个午餐实在太丰富啦，个胃根本上冇位再食任何甜品！
张贴
