大熊本洋風料理 (已結業)

唱完K, 成家人o黎到食晚饭, 星期五非常多人, 嘈到连播放住o既音乐都听唔到, 就算装修点好都搞祸晒.每人嗌o的, 越叫越多. 有猪扒石头锅饭配鳗鱼汁: 个锅一直俾个保温器罄住, 食o左大半个钟仲出紧烟, o岩晒o的慢人王; 芝士火锅: 个芝士汁实在太美味啦! 浓度适中, 非常有芝味, 要我成盘饮晒都肯, 配面包一流. 临到净o番垫底时, o的芝士硬硬o地食最ichiban; 烧牛扒: 要7成熟, o黎到其实系全熟. 不过o的肥膏好甘香, 调得好好味, 好似我嗲d调o的咁. 可以唔点酱都得, 如果唔系会盖过牛本身o既味; 甜虾剌身: 非常鲜甜, 嗲d忍唔住要多客. 麻酱鲍鱼鸡丝冷面: 料本身唔错, 但用麻酱o黎点太立口, 最好多加一种沙律酱; 清酒: 相比我所过试的, 较为淡. 因为有coupon, 所以送多个杂锦寿司, 估唔到有成5大件咁多: 三文鱼, 鳗鱼, 虾籽等, 卖相不俗, 几新鲜.服务都几好, 虽然客人多, 但佢o地依然不断帮我o地添茶又剩.题外话, 入o黎之前, 见到有人o系出面俾人打, 起身成口同下巴都系血, 好似睇紧戏. 我讲呢间系铜锣湾o个间.