Brooklyn (已結業)

嚟过两次，第一次已经觉得唔系好得，惟一系唔使等位，但系原来星期五夜晚当度度都好多人嘅时候，呢间餐厅唔使等位就知道有啲嘢。今次约咗朋友食lunch，朋友拣咗呢间餐厅，都冇所谓啦志在倾计。佢系Semi buffet嘅形式，但系个lunch Menu都要百几蚊，包埋一个沙律吧，有汤同沙律，仲有炸鸡薯条等等。佢个沙律吧其实还可以，不过个蘑菇汤真系好难饮，蘑菇味好淡，佢唔系稀，只系好似唔知加咗啲乜嘢其他嘢咁，仲有一条条丝喺汤里面。不过最差嘅系佢个主菜，完全唔值百几蚊，意大利饭唔知点解落粟米落去煮，九唔搭八，仲要系好难食，软壳蟹炸到硬绷绷。虽然环境唔错，但系以后都唔会再去，价钱贵但系都唔知食咗啲乜嘢。