影片
更多
2024-07-04
2924 浏览
同闺蜜去庆生，当然要揾间ig-eable又好味既餐厅啦。一入餐厅，就俾个装修吸引了，好似置身一个高级酒店既餐厅。但入座率唔算高，整晚目测只有5-6枱客人。见到餐厅同某信用卡做紧套餐优惠，但见套餐提供的食物比较普通，唔算太抵，所以决左散点。陈皮香草焗猪，上碟都觉得几靓，但味道就好一般，面头舖了大量香草，并未有底下的猪带来鲜味。猪肉亦非常鞋口，绝对唔觉特别新鲜或部位鲜嫩。话梅白凉瓜，冰冰甜甜，夏天食都算消暑，苦瓜都算juicy，但咬落绝无苦味，话梅同甜汁味覆盖了苦瓜苦味。花图和牛宝盒，上碟比想像中较普通，睇个名以为会用个盒装住。至于味道亦唔系平时食日式同西式和牛个种感觉，反而佢系一层层好似普通肥牛卷到一层层咁。都唔知有冇和牛成份，如果有都似系和牛啲唔要既部位拎嚟做呢道菜。花图爵士汤，全晚最吸引的一道菜，用狮头的汤碗装住，好有气势。入面材料丰富又大件，个汤味道鲜甜，睇到橙橙红红饮落仲有龙虾汤既感觉。唔知系咪用左虾头去淆呢，呢方面就无去求证。后尾加左个蛏子煎米，呢个𩠌创作比较普通，似平时食开既豉汁蛏子但去了壳上碟再放系米粉上。（忘记了影相) 米粉冻左口感变差。叫左2杯cocktail, 2个人
同闺蜜去庆生，当然要揾间ig-eable又好味既餐厅啦。
一入餐厅，就俾个装修吸引了，好似置身一个高级酒店既餐厅。但入座率唔算高，整晚目测只有5-6枱客人。
见到餐厅同某信用卡做紧套餐优惠，但见套餐提供的食物比较普通，唔算太抵，所以决左散点。
陈皮香草焗猪，上碟都觉得几靓，但味道就好一般，面头舖了大量香草，并未有底下的猪带来鲜味。猪肉亦非常鞋口，绝对唔觉特别新鲜或部位鲜嫩。
话梅白凉瓜，冰冰甜甜，夏天食都算消暑，苦瓜都算juicy，但咬落绝无苦味，话梅同甜汁味覆盖了苦瓜苦味。
花图和牛宝盒，上碟比想像中较普通，睇个名以为会用个盒装住。至于味道亦唔系平时食日式同西式和牛个种感觉，反而佢系一层层好似普通肥牛卷到一层层咁。都唔知有冇和牛成份，如果有都似系和牛啲唔要既部位拎嚟做呢道菜。
花图爵士汤，全晚最吸引的一道菜，用狮头的汤碗装住，好有气势。入面材料丰富又大件，个汤味道鲜甜，睇到橙橙红红饮落仲有龙虾汤既感觉。唔知系咪用左虾头去淆呢，呢方面就无去求证。
后尾加左个蛏子煎米，呢个𩠌创作比较普通，似平时食开既豉汁蛏子但去了壳上碟再放系米粉上。（忘记了影相) 米粉冻左口感变差。
叫左2杯cocktail, 2个人埋单成$18xx，感觉好唔抵，用料唔算昂贵，手工亦唔算好多。唯独系个爵士汤做比较value for money。
张贴
