小食皇大排檔

营业中

休息中

去完淘大买野，谂住到前面食下茶记，见广告牌有间小食皇，好耐无食过肠粉个啲，去食下都好。小店都几旧式风格，但食品种类就超级多，除左港式小食，仲有炒粉面饭，车仔面，蒸头饭等。😋肠粉烧卖肠粉四条加鱼肉烧卖五粒，下午时段都蒸过龙，肠粉仲好挺身㗎，最正系多酱多豉油，仲有芝麻添。😋煎让三宝呢样又系劲钟意嘅小食黎，要左红肠、青椒、矮瓜、豆腐同鱼蛋各一件，其实款款都钟意食，好难拣😅三宝预先炸过，点嘅时候再即刻返炸，拎上枱时热辣辣，鱼肉弹牙大大件，真系好好味。😋两沟再点左碗鱼肉沟碗仔翅，店员问落唔落醋、胡椒粉同辣菜莆，咁正梗系要落齐啦，碗仔翅足料杰身，鱼肉虽然较淋，但调味唔错，仲劲大碗好抵食啊。😋可乐食咁多野再加支冰冻可乐，爽呀！一个人咁多都几夸张，但好多无食觉得好好味，样样都想食呀嘛。