MOS Burger (健威坊)

营业中

休息中

今日非常黑仔，做完嘅嘢要全部重做一次之外，仲要今日内搞掂。唔想放工都喺度做，于是想去买个三文治，但除咗便利店附近都无其他选择，而便利店嘅已经唔新鲜。最后拣咗呢间汉堡店，又近又有即叫即整嘅包。挨到两点几先嚟，唔使排队就可以落单，落完单揾个位坐，原来都要5分钟先有得攞，证明真系即整。打开个包热烘烘，啱哂暖胃。鸡扒连皮，剪得刚好，嫩滑而唔太油腻。菜好新鲜，不过有啲硬，个人比较钟意食生菜。食哂个饱都有饱感，可以顶到放工。以$27嘅价钱可以买到高质啲嘅包，就算人地个餐包埋汽水薯条都完全无兴趣了。食完啱啱返到公司，又够钟开工了，唉。