NUTTEA (灣景廣場) (已結業)

随住大家环保意识增加，身边好多妈妈级朋友都为家庭买多左植物奶及坚果奶。本身我都唔系特别爱牛奶，而当买茶啡饮品时有更多选择，我都会想试试。之前都去过nuttea几次, 通常都选佢地嘅水果坚果奶，今次试试饮奶盖茶😊坚果奶盖的香味好丰富，浓厚；色泽比普通奶盖深啲，带有坚果嘅淡啡色。奶盖嘅份量都好多，有啲意想不到！坚果奶盖估唔到好厚身，上面加左坚果碎，增加口感。奶盖也很顺滑。四季春茶味清香，配合埋浓郁嘅奶盖，互相中和有一番特别嘅滋味。饮完之后，也有满足嘅饱肚感😊下次去街嘅时候，都可以选择啲特别嘅手摇饮品。而喺屋企，除咗牛奶之外，都可以试吓植物奶。交替饮唔同类型嘅植物奶，吸收唔同种类的营养都几好。都推介食的健康嘅朋友试试。