富士山55 (拉麵沾麵專門店) (已結業)

上次黎富士山55因为海胆唔当造，所以食唔到最出名既海胆，今日得知海胆沾面已经推出返，即刻约朋友去试。因为入面地方浅窄，过左七点之后大排长龙，好在我们七点前已经来到。冇黎一段时间，Menu都update左，而家季节限定海胆沾面同北海道松叶蟹沾面。先来一枝日本波子汽水 $18见朋友个个都食海胆沾面，咁我就试下北海道松叶蟹沾面啦。北海道松叶蟹沾面 $188其实呢个沾面价钱都唔算平，不过上台后惊喜万分，果然好足料，成只松叶蟹呈上面前，相信份量系一只蟹咁多。面质拣咗适中，入口都几弹牙，留意到呢个面嘅面质比海胆沾面较为幼身，而汤底同海胆沾面都唔一样，原来呢个汤底冇海胆𠮶款咁杰身，所以采用较幼嘅面令挂汤力更佳。汤底带有蟹肉的咸香，松叶蟹好新鲜亦很鲜甜，已经预先拆晒所有肉出黎，连蟹膏都有，食用非常方便，仲有个溏心蛋好甜。枱面有个炉可以加热沾面嘅汤，不过其实都冇用过，沾面汤底已经够热。煎饺子 $31食完沾面，再食埋饺子，饺子都几多饀。芝士杂坎 $20最后再追加埋芝士饭，充满mozzarella cheese，食后好饱肚。果然系汤底及面质水准高的一间沾面店。