大少燒味茶餐廳 (已結業)

今日去左大埔墟揾食，平时都会在附近揾食，谂起以前食东江鸡个鸡饭好好食，所以就黎左大明里。但原来东江鸡个位转左做大少烧味餐厅，门口见到佢Ｄ烧味卖相都好似几得，好啦就入来试下，时值１１点几，刚刚未过早餐时段，入面好旺坐满晒人，所以在门口等左１５分钟先有位入。入到黎睇左一阵餐牌，呢度叫得大少烧味餐厅，当然要试下佢Ｄ烧味，所以我就叫左四宝饭，一次满足我四个愿望。四宝饭＋冻奶茶：坐左５分钟就上枱，非常快速，呢度咁旺果然时间就系金钱，而且四宝饭相当足料，有别于一般四宝饭，佢无叉烧，反而系烧鸭、油鸡、红肠、咸蛋加条菜，无左叉烧本来有Ｄ不足，但系食落又几好食。先讲油鸡，食唔到以前间东江鸡，食呢度个油鸡都唔差，好软身，甜甜地好易入口，个汁做得唔错，好好味。咸蛋就一定咸啦，但我呢个可能咁岩，有小小糖心，中间几好食。烧鸭都唔错，淡淡肉，一定要问佢拎烧鸭酱捞饭，一流。至于奶茶就不过不失，都算合格啦。总括黎讲，系满足的一餐，呢度Ｄ烧味似系自家制烧味，非出面Ｄ餐厅可比，而且又足料，今餐食到好饱，亦听到好多人叫双脾饭，今日遇岩星期六食饭时间坐无虚席，应该好多识食之人黎呢度揾食，食烧味饭，门口亦泊左几部单车，所以星期