肥姐麻辣餐廳

营业中

休息中

之前系ig见到佢有得卖辣野返屋企煮，不过唔系住荃湾，所以决定自己去食。一坐低就俾左2款前菜：麻辣丁香鱼，辣菜脯，净系食前菜都知佢的辣有料到。老板娘话平时食得辣都系食小辣就够，睇黎真系好劲。（我地食开谭仔二小/小辣）辣子蒜香排骨（小辣）我谂得哩度会有配蒜香排骨，用左豆豉同蒜片炒，非常香口。比起平时食的辣子鸡少骨，非常唔错。酸辣土豆丝（小辣）好够酸，小辣刚刚好。冇叫饭食土豆丝当饭啱晒。口水鸡（中辣）因为我地想试下中辣，老板娘就话试口水鸡会比较好，因为会有甜味，唔怕辣得滞。果然，真系好辣，不过食到好上瘾，所以辣到鼻水流都系咁夹黎食😂个底仲有大量青瓜可以食。好彩其他野叫左小辣，如果唔系就会食得太辛苦。佢的辣同出面系唔同，可能因为自家制。餐厅仲有快煮，速食，凉拌，酱料，火锅汤底系列等等，可以外卖返屋企再煮返热黎食。柠檬梳打够晒酸，解辣一流。餐厅设计都好特别，好有诗意咁，唔似平时食辣的地方，每张卡位仲有迷你模型好精致。