四喜冰室 (已結業)

公司附近都有好几间茶餐厅，但其实我都唔系间间都试过。依一间四喜冰室，我都系黎过一两次。可能系因为佢哋环境，Ｄ台系非常之密，坐得唔系好舒服，简直(再) 肥少少都好似出出入入都难。佢地嘅价钱都唔系好平，一个常餐要$47，见今日午餐选择好似一般，都系照叫左个常餐。首先黎嘅系火腿炒滑蛋，仲有一篇好薄嘅排包。滑蛋唔错，真系好滑，不过食落好似有少少沟左粉定系奶，火腿呢就比较HEA，好似只系烚左。面就要左姜丝鲜牛肉面，因为无论蕃茄汤定系忌廉汤配姜丝牛肉都好似怪怪的，所以加咗钱换左辛辣面。唔知系咪可能太耐冇食过辛辣面，觉得呢度嘅辛辣面好似系特别辣好刺激。至于牛肉嘅份量就比较少，大概都系三四片，被梳打粉招呼得略为严重冇咩味。呢个价钱来讲，就有啲贵，下次可能都系再一段时间先会谂再嚟喇。