Linguini Fini (已結業)

呢间餐厅坐落系苏豪区，撞正星期六，人流自然唔会少，好不热闹。但一个人食饭，你懂的，系容易揾位啲。之前听同事讲话呢间餐厅有啲好过瘾既港式意菜，例如有咩咸蛋炸鸡呀…叉烧意粉个类野，醒起就兜落嚟试一试佢。本身已经 mark 好左要试叉烧咖啦，但同事冇话我知有避风塘意粉㖞！！！一个激动好鬼想试就嗌左个意粉同埋一个 starter。车厘茄呢，如果你调味做得唔好，同埋本身返货就唔新鲜既话呢，你系好容易食得多就会有阵涩味。呢款就冇呢个问题，你望到旧芝士几大旧，都唔驶多讲。好新鲜好甜好多汁，好好食唔系讲笑。最期待既画面出现啦！就系想试呢个，意粉 + 螃蟹 + 腌过既辣椒 + 黑豆 + 蒜蓉 = 冇得输佢真系做到避风塘个阵味出嚟，好钟意佢个 dressing。佢干身得嚟又唔会太干，仲保留到意粉个阵新鲜。钟意食中式野既呢个实岩你。食晏食到自己钟意既野，侍应对你服务又几周到，有个靓既干净既环境，成日流流长，心情都好啲。