The Chop House (已改名) 查看

本身冇谂过食呢间餐厅，不过原本想去𠮶间餐厅已经结业，临时就通过OpenRice search到呢间餐厅就去试吓，整体嚟讲就冇乜期望。入到去个环境就偏暗，但系个整体环境都几卫生同整洁，服务都几好唔错。本身之前见到OpenRice话个餐牌有个炭烧海鲜拼盘，但系琴日去嘅时候个餐牌已经冇咗呢个选项，当时系有少少失望。最后三个人就嗌咗三道主菜，包括焗鳕鱼、法式春鸡以及西冷扒，仲有一客薯条同埋 apple crumble。每份食物嘅份量，我觉得就还好，但系个味道我觉得系算几好，当时系有啲喜出望外。份鳕鱼虽然份量比较细，但系肉质好软同滑，至于个春鸡就好入味，而份西冷扒都处理得唔错，既唔系太硬，亦都唔系太生。最后份薯条我都觉得几好，非常香脆可口。最后三个人食1300蚊埋单，我觉得价格相嚟讲算系咁。