Barg (已結業)

BFF由澳洲回港短聚，我忙到甩辘，收工拿拿林上开饭揾地方。原本湾仔il Bel Paese系我会友首选，但旧年两度失望于新意大利大厨对pasta嘅自我风格下，已经将佢打左入冷宫。咁就比我发现到新欢 - Barg。用开饭订位快、靓、正！按几下，10秒钟搞掂。去到餐厅楼下见到条长人龙等䢂吓左一跳！再睇下地址系1楼，唔使搭䢂嘅，吓得我吖～店员引领入座，望下个环境，YES! 无拣错，perfect place for dine and chat.坐低后，店员会问我要无汽定有汽嘅水(不另收费)；之后我地睇紧menu未叫菜，店员已经送上面包(不另收费)，那怕你会净食面包饮水就走？可惜我带病上阵，肚肚唔舒服，唔敢食得太油，其实好想试下具人气嘅烤德国咸猪手同烤乳猪配苹果酱，唯有留待下次。另外亦好想试下个个都赞嘅羽衣甘蓝牛油果沙律，但不过朋友喺澳洲日日都食牛油果，所以拣左芒果龙虾沙律。全部菜式都比想像中嘅好食更好味，so impressive。店员又有礼貌，服务又周到，一定要再嚟。