影片
更多
2023-08-06
99 浏览
一直都好钟意食大排档，民间朴实无华嘅地道风味系真正舌尖上嘅美味😚夏天想叹住冷气，食住大排档风味嘅小菜，嚟「小神灯新派饭馆」食饭就满足到我嘅需求😆 店内装修充满港式风情，有大大小小嘅抢眼招牌，同香港本土电影插画嘅二次创作海报，放眼全部都系打卡位～好适合钟意影相嘅朋友。个人觉得最得意系充满港式情怀嘅茶壶同水壶茶杯，瞬间代入年代感，好盏鬼👀 另外店内嘅台櫈同旧式大排档差无几，不过就系干净卫生嘅version！空间阔落唔挤迫，坐得舒服又唔会食到成头汗，其中卡位仲系以旧式绿色电车卡作为主题，好过瘾😂翻开MENU，多道招牌菜都非常有特色！同坊间嘅大排档菜式唔同，「小神灯新派饭馆」嘅小菜加入咗好多创新嘅元素但又不失地道风味✨有好多款都未见过亦都未试过，相信喺设计菜式嘅时候落咗唔少功夫～我哋叫咗几样比较特别少少嘅☺️前菜小食坐低无耐就送奉上小菜了，系猪皮条～有好多蜂窝状小孔，每个气孔都吸满辣汁，一口爆汁，系十分开胃嘅小食！奇脆脆皮猪手个份量一睇就知好有诚意～起咗骨啖啖肉嘅猪手堆得好似小山一样，强烈嘅视觉冲击足以令食肉兽无办法控制自我😆 另外猪皮位置香脆，咬下外层脆皮时会听到卡卡声响，肉质紧实又不失猪手应
一直都好钟意食大排档，民间朴实无华嘅地道风味系真正舌尖上嘅美味😚夏天想叹住冷气，食住大排档风味嘅小菜，嚟「小神灯新派饭馆」食饭就满足到我嘅需求😆 店内装修充满港式风情，有大大小小嘅抢眼招牌，同香港本土电影插画嘅二次创作海报，放眼全部都系打卡位～好适合钟意影相嘅朋友。个人觉得最得意系充满港式情怀嘅茶壶同水壶茶杯，瞬间代入年代感，好盏鬼👀 另外店内嘅台櫈同旧式大排档差无几，不过就系干净卫生嘅version！空间阔落唔挤迫，坐得舒服又唔会食到成头汗，其中卡位仲系以旧式绿色电车卡作为主题，好过瘾😂
翻开MENU，多道招牌菜都非常有特色！同坊间嘅大排档菜式唔同，「小神灯新派饭馆」嘅小菜加入咗好多创新嘅元素但又不失地道风味✨有好多款都未见过亦都未试过，相信喺设计菜式嘅时候落咗唔少功夫～我哋叫咗几样比较特别少少嘅☺️
前菜小食坐低无耐就送奉上小菜了，系猪皮条～有好多蜂窝状小孔，每个气孔都吸满辣汁，一口爆汁，系十分开胃嘅小食！
奇脆脆皮猪手个份量一睇就知好有诚意～起咗骨啖啖肉嘅猪手堆得好似小山一样，强烈嘅视觉冲击足以令食肉兽无办法控制自我😆 另外猪皮位置香脆，咬下外层脆皮时会听到卡卡声响，肉质紧实又不失猪手应有嘅Q弹，而且肥瘦均匀带有咸香，趁啱啱上台嘅时候仲系热辣辣点上芥末酱同沙律酱食，个个都食得好滋味～
金沙鬼马百花酿油条油炸鬼系一样好贴地嘅美食，但如果加入虾滑，气场即刻唔同晒！油炸鬼经过油炸，喺黄金酥脆嘅外皮下，包裹住鲜嫩又弹牙嘅虾滑，配上滋味咸蛋黄酱，立即提升几个层次（上台嘅时候已经闻到好大阵咸蛋黄嘅香气了）金沙鬼马百花酿油条热辣辣脆卜卜仲大大件，而且唔会太过油腻，好味到连筷子都差啲拎唔稳！
腿茸菜胆鸡系一样长辈们赞不绝口嘅菜式，汤汁集金华火腿之精华及鸡肉渗出嘅黄油，充满咸香，伴以翠绿生菜，味道浓郁，而且鸡肉肉质嫩滑，𩠌饭一流！
招牌焗鱼肠系坊间少见嘅经典小菜，已经好耐无喺出面嘅餐厅见过有得食咁怀旧嘅焗鱼肠了👀 鱼肠及鸡蛋放入钵中焗到表面香脆金黄，即使过咗一段时间食都仲系热辣辣㗎添～入口先有浓浓嘅蛋香，然后系肥美鱼肠嘅甘香，而且入面加咗陈皮，整体香而不腥，相信连小朋友都会钟意食！
椒盐乌贼裙边见菜单上有不少炸物，如椒盐白饭鱼、椒盐鱿鱼须、黄金泰式煎墨排、金沙脆香鱼皮，其实呢类香口嘢永远令我欲罢不能😚 当中我哋拣咗椒盐乌贼裙边～乌贼裙边被粉浆包裹，喺热油中迅速成形，件件都涨卜卜炸得好蓬松，洒上椒盐好惹味！而且有嚼劲嘅乌贼裙变配上酥脆嘅金黄外壳，干身而不油腻，仲有炸蒜配衬，好适合送啤酒。
豉椒炒蚬作为一个海鲜控，我对各种海产都无咩抵抗力，而我又偏爱贝壳类，当中最钟意就系豉椒炒蚬，呢度嘅炒蚬份量好多，堆到满晒。而且炒得比较湿，每一粒蚬肉都被充满镬气嘅酱汁包围住，蚬肉亦好鲜甜，推介！
喺小神灯新派饭馆食饭你会发掘到好多新鲜花样，餐厅将新颖装修结合地道风味，令本土元素完全展现出嚟，带俾食客好多新鲜感，好适合追求有趣特别嘅餐饮体验嘅朋友，有兴趣嘅快啲嚟试吓～
张贴
