影片
更多
2009-12-02
2402 浏览
一位好嘴刁既朋友介绍，话佢好难得系一间餐厅食野由第一道𩠌食到最后一道，而且系每样都咁欣赏，所以爸爸就组团去试下依间咁贵既怀石料理。我地今次一行9人，大家对食物既要求都唔同，但系都 90% 满意。起初我地以为食怀石料理，每碟细细份，一定唔会饱得去边啦，所以已经谂定要去食第二part晚餐。点知食到最后我地每个人都好饱!!! 环境及卫生: Very good first impression!!! 5分1) 唔系好大间，一入门口黑黑地觉得几cool! 2) 地下系酒吧，酒吧后面放左好多酒，吧枱上更有一枝Dom Pérignon Œnothèque ，感觉好high class!!!3) 酒吧同楼梯口中间有只牛，好衬间restaurant个名＂和牛怀石亭＂。4) 睇清楚D，只牛后面系一个handicap lift，设计师真系好细心。5) 上到楼上见到个open kitchen好光猛好整洁好整齐好卫生。6) 楼上有两间房，墙身都画有一幅几抽象既画：大家估唔到我就好估啦：系牛黎架服务 : 5分1) 一入门口就好友善地带我地埋位，参观同介绍间餐厅2) 食前好清楚同仔细讲解个menu，到食既时候再
环境及卫生: Very good first impression!!! 5分
1) 唔系好大间，一入门口黑黑地觉得几cool!
2) 地下系酒吧，酒吧后面放左好多酒，吧枱上更有一枝Dom Pérignon Œnothèque ，感觉好high class!!!
3) 酒吧同楼梯口中间有只牛，好衬间restaurant个名＂和牛怀石亭＂。
4) 睇清楚D，只牛后面系一个handicap lift，设计师真系好细心。
5) 上到楼上见到个open kitchen好光猛好整洁好整齐好卫生。
6) 楼上有两间房，墙身都画有一幅几抽象既画：大家估唔到我就好估啦：系牛黎架
服务 : 5分
1) 一入门口就好友善地带我地埋位，参观同介绍间餐厅
2) 食前好清楚同仔细讲解个menu，到食既时候再好有心机地介绍每一道菜既材料同煮法
味道: 4分半
1) 先付: Lobster, Cresson and Caviar with Sesame Sauce 鱼子酱龙虾刺身配芝麻汁
见到我比咁多个happy face都估到依道菜系我个人以及同桌既所有人都好欣赏既!!! 食完重想再食，而且系唔会厌个只。
真系可以用色香味俱全黎形容。＂色＂：龙虾刺身系少少红色但系透明既，用绿色菜做base加埋黑色鱼子酱喺龙虾面，奶白/黄色既色芝麻汁，一个几新奇既配搭。 香味系芝麻汁发出，但食落口佢完全冇抢走鱼子酱同龙虾既鲜味。龙虾生食（食落口其实好似系半生熟）系好爽滑架，而且好鲜甜，同浓味既鱼子酱一齐食，凉凉地几好feel。我系好唔钟意食菜，但系因为个甜甜地既芝麻汁令到𠮶几条菜都好味左，所以食哂。
2) 前菜: Wagyu Sushi with White Truffle 白松露和牛寿司；Shirako with Seaweed Sauce 鱼精囊配紫菜汁；Lobster Ebi Imo 龙虾芋蓉
a) 鱼精囊 - 真系唔系我杯茶 ，鱼精囊咬落口唔系粉又唔系爽，唔知点... 我个人就唔系好钟意... 紫菜汁酸酸地OK啦。
b) 白松露和牛寿司 - 和牛生食系好正既!!! 因为唔会油，而且唔会有酱汁盖过牛肉本身既鲜味。面头既白松露配和牛原本系可以带出和牛既依种鲜味，不过今次师傅落多左黑胡椒，所以入口时胡椒味抢走左好多松露同和牛既鲜肉味 下次如果D胡椒少一半，效果一定好好，因为个配撘非常好。
c) 龙虾芋蓉 - 我个人唔系好喜欢芋头，因为觉得好溜好粉，所以对龙虾芋蓉唔系抱太大希望。出奇地好light一D都唔溜，少少烟刃，而且个龙虾味令到个芋蓉清新左。
3) 吸物: Scallop Shinjo, Ginkgo and Shimeji Clear Soup 带子丸，白果，鸿喜菇清汤
好清既汤底，相信系带子丸带出既鲜甜味。带子丸有人钟意有人唔钟意。我个人觉得比起其他菜色就冇乜惊喜，只系比左个＂清＂既感觉。
4) 蒸物: Wagyu and Kyoto Vegetables Mushi Shabu Shabu with Ponzu 蒸和牛配酸汁
全晚最令人失望既一道𩠌!! 蒸和牛熟得过火，搞到个和牛好老好嚡，更失掉所有肉味，入口只觉酸味，所以希望和牛怀石亭以后唔好再serve依道菜。我喺味道扣左半分都系因为咁!!
5) 造り: Chef's Selection Sashimi 厨师精选刺身
又一味色香味俱全既佳肴：
a) 拖罗 - 鲜甜肥美，入口即溶 正正正!!!
b) 鲍鱼 - 鲜甜爽口 正正正!!!
c) 平目鱼包海胆 - 真系一个好精彩既combo! 真系好食过海胆配青瓜或饭。海胆浓烈既鲜味同平目鱼既鱼味好夹，浓得黎好清。 正正正!!! 又晕左
6) 烧物: Grilled Kinki Fish, Sweet Potato and Inaho 喜知次鱼配甜蕃薯及炸稻穗
a) 喜知次鱼 - 鱼肉嫩滑清甜。份量唔会太多，刚刚好。
b) 甜蕃薯 - 菜黎既... 虽然只系半块，不过对我黎讲依然多左
c) 炸稻穗 - 好似爆谷咁好得意。好脆好干一D都唔油，甜甜地。几特别。
7) 进肴: Kyato Turnip (Kaburamushi) and Taraba Crab in Wasabi 萝卜蓉拌雪场蟹
个萝卜蓉好好食 - 甜甜地好light有少少弹牙，萝卜咁食几新颖 雪场蟹好鲜甜! 个wasabi汁个味教得啱啱好，味道好亲个萝卜同蟹，少辣但唔会好攻鼻重有Ｄ好似薄荷𠮶种舒缓感。我食哂Ｄ萝卜同蟹后重要饮埋Ｄ汁。
（虽然已经食左七道𩠌，不过都好似唔系好够饱，所以大家一路谂去边到食第二餐）
8) 主菜: Charcoal Grilled Wagyu 碳烧和牛
a) 2件佐贺和牛：好松化，而且唔油，完美!!!
b) 2件鹿儿岛和牛：食完佐贺𠮶两件就觉得鹿儿岛和牛好肥好溜，食落真系半口油，不过个人口味都系钟意食肥牛wakaka。饱到要打消去食第二餐既念头添。
9) 云丹とトリュフ土锅ご饭 Sea Urchin Truffle Rice 海胆黑松露饭
每日黎帮衬都会欣赏到既招牌饭! 真系冇得弹!!! 我平时系少食饭，不过依个饭可以令我添左两次，一共食左三大碗!!!
整系睇幅相都已经可以知道好足料（不过比多少少海胆我重开心）。我地系房入面欢迎个饭既时候系好感动，因为未入到黎我地已经闻到松露既香味，见埋个样我地所有人都哗左出黎 又一道色香味俱全既菜式!!! 果然名不虚传 大家唔单只闻到松露香味，重可以食到... mmmm... 海胆既鲜甜味加上黑松露既香味，简直系一绝！因为本身两者都冇也咸味，所以师傅预备左Ｄ芝士粉比大家捞埋食。我两种食法都试左。开头未有芝士粉都已经好impressed，又香又甜而且系够味，觉得系一个好light好健康既饭。但系加左少少芝士粉食法完全唔同：个味浓左，可能我落得唔系好多，出奇地个芝士味唔系好抢个松露味，反而系觉得佢个作用系同盐一样，而且又比多左种香味个饭。
10) 甘味: Dessert: 甜品
a) Mochi: 好欣赏佢个mochi系轻轻烧过既，因为我好惊mochi面头个Ｄ粉搞到个口沙沙嚡嚡既感觉。mochi轻轻烧过令到佢滑左，冇咁痴牙。味道唔会太甜好light，正！
b) 芝士蛋糕: 味道一样唔会好浓或太甜，不过我个人喜爱多少少芝士味既cheese cake
点解我会话系好啱香港人口味:
1) 去过日本食怀石料理既人会好清楚，每道菜既份量系好细，系名正言顺既＂一道一口＂（可能系日本文化，又或者日本人比我地香港人细食）。虽然系少吃多滋味，但系比多过一口系可以加深我地对食物既印象（you can appreciate more)，依点＂和牛怀石亭＂就做到好好，好啱香港人既胃口。
2) Menu入面虽然有一款系我地香港人少食既菜式：鱼精囊，但系大部分都系我地最常食到既日本菜：雪场蟹，海胆刺身，平目鱼，拖罗刺身，鲍鱼刺身，喜知次鱼，和牛。再加上佢有少少玩fusion，加插左我地香港人好钟意食既黑松露，白松露，鱼子酱同龙虾，真系令到我地觉得个怀石料理系为我地度身订造咁。
后记: 唔饮酒系每人HK$1,680 + 10%。比起日本既怀石料理其实系平左。一谂起又有和牛，又有龙虾雪场蟹，又有咁靓咁新鲜既鱼生，又有鱼子酱，重有超正既海胆黑松露饭，再加上酒店式服务，HK$1,848 其实系抵食架。就算真系叫酒，Ｄ酒既价钱亦好合理。
张贴
