3 Italiani (已結業)

今日同朋友喺铜锣湾食完饭，佢话要带我去食好好味嘅雪糕，仲有我最钟意嘅开心果味，当然要去试一试啦。但当我行到入呢间专卖意大利雪糕、咖啡同甜品嘅店舖时候，我俾眼前嘅蛋糕柜吸引左，忍唔住因为一件好靓嘅红丝绒蛋糕而放弃左开心果雪糕。点知就系咁样我就中左伏。其实平时我系好钟意食红丝绒蛋糕，钟意中间有幼滑嘅cream，伴上软绵绵嘅蛋糕，简直系perfect池。当我用叉吉入去嘅第一下，咦？吉唔入嘅？我已经知道呢旧蛋糕有几硬，硬过我条命咁硬。呢旧嘢真系唔可以叫做蛋糕，叫曲奇就差唔多。奇怪嘅事，点解咁大力吉完旧曲奇，中间夹着嘅忌廉完全无化开无移位无变形嘅呢？原来都只系我一厢情愿以为佢系忌廉，其实佢系我呢世人最憎嘅糖霜。一味得个甜字，咬落仲食到砂糖粒，好似食紧食未吐过沙嘅蚬咁。一个字，难受。但佢个样真系几靓，希望佢唔好再恃住个样去呃人，呢个世界真系好危险。如果你自认重口味，咁你都可以试一试嘅。