Jenny Bakery (已搬遷) 新店位置

星期三晚一位好朋友送o左罐靓靓曲奇俾我,一睇个Bear Bear熊罐...Oh~Jenny Bakery!!!以前睇食评见好多人赞佢,今次终于有机会同佢见面喇!坦白讲,我钟意整曲奇饼,但就好少食~惊肥!本来想请细妹食,但佢话唔太好,决定带返中心同同事一齐分享!一打开,好重咖啡味同牛油味!质感松化到有d淋~~有同事一拎就散!有几位同事觉得好味,但我就觉得麻麻o地!我只试o左少少~因觉得太多油喇!而且质感亦太松散!(我都系钟意蓝罐曲奇圆圆碌冇任何馅o个款!)d牛油多到~~连拎过曲奇o既手指阵牛油味久久不能散去!用洗洁精都洗唔甩!我好感激好朋友对我o既心意,但总括o黎讲我只钟意个罐!个罐都要用洗洁精洗好耐(因为真系好多油!),依然有阵牛油味!唔知系咪心理作用,觉得宜家个身都仲有阵牛油味!注:我细妹早前试过凤梨酥,佢话ok!但价钱实在太贵,而且保存期限超短!