鳴門日本料理 (已結業)

帮趁左鸣门都经已唔知几多年, 应该系佢开冇耐就已经开始时常度开饭. 记得第一次系因为牛头角道唔到一间四正食店, 又见佢话鱼生特价（好似１０蚊４大件三文鱼），　就胆粗粗入去搏搏．．殊不知佢地熟食ｍｅｎｕ就更吸引．鱼生其实都相当唔错，但系熟野就更显出佢地诚意．　”墨鱼海胆黄金烧”系我十分钟意一度菜，因为呢味菜里面两种主要材料我都系唔食，但佢有办法整到我食，在我个人黎讲就已经不得了，另外佢地”锅”都做得好出色，特别系牛肉锅，牛肉味浓，而且鲜而唔太咸．．．日本菜香港成日都会衰咸，特别系锅，其实日本食呢类野都偏甜．．．加上佢地有一点我十分欣赏，就系每次去都有ｄ新野．．．