影片
更多
2019-10-30
142 浏览
阿木台湾面 #旺角呢间台湾餐厅虽然系新开张，但系已经吸引左好多人排队。上网留意到原来佢哋家族喺台湾度卖面已经有60年历史，因为个女唔想祖传嘅技术失传，于是嫁到嚟香港之后都喺香港开返间台湾餐厅。红烧牛肉牛筋面 $69我自己好怕红烧牛肉嘅汤底好大浸酸酸地嘅药材味，今次呢个依然会食到牛同埋药材肴出嚟嘅香味，但系又唔会觉得太酸，不过亦都唔算太浓郁。面条方面，可以拣加$3转关庙面，但系落单嘅时候店员推荐佢哋自家制嘅面条，话更加索汤。听到唔使加钱嘅面条仲好过要加钱，所以我哋即刻转翻佢哋原本嘅面条。虽然佢哋系沿用老店配方，每日手工制作，但系我自己略嫌煮得有啲淋，而且冇想像中咁浓味。相反，啲牛肉同埋牛筋就真系好好味。佢哋用嘅系金钱腱，每块都有成只手咁大，仲要有成1cm咁厚。虽然厚，但系一啲都唔韧，仲几乎入口即溶。同样地，啲牛筋亦都非常软腍，好滑脱脱好淋。而且无论系牛肉定牛筋，都同样非常入味。味道:4.1/5 (啲肉真系好好好好正，但系面条就麻麻，汤底不过不失)性价比: 4/5芝士肉松蛋饼 $42好欣赏呢一间嘅蛋饼，尤其钟意佢嘅皮！唔系𠮶种煎到好香脆嘅蛋饼，但系就好烟韧，好钟意呢个口感！而且入面啲肉松亦
呢间台湾餐厅虽然系新开张，但系已经吸引左好多人排队。上网留意到原来佢哋家族喺台湾度卖面已经有60年历史，因为个女唔想祖传嘅技术失传，于是嫁到嚟香港之后都喺香港开返间台湾餐厅。
红烧牛肉牛筋面 $69
我自己好怕红烧牛肉嘅汤底好大浸酸酸地嘅药材味，今次呢个依然会食到牛同埋药材肴出嚟嘅香味，但系又唔会觉得太酸，不过亦都唔算太浓郁。
面条方面，可以拣加$3转关庙面，但系落单嘅时候店员推荐佢哋自家制嘅面条，话更加索汤。听到唔使加钱嘅面条仲好过要加钱，所以我哋即刻转翻佢哋原本嘅面条。虽然佢哋系沿用老店配方，每日手工制作，但系我自己略嫌煮得有啲淋，而且冇想像中咁浓味。
相反，啲牛肉同埋牛筋就真系好好味。佢哋用嘅系金钱腱，每块都有成只手咁大，仲要有成1cm咁厚。虽然厚，但系一啲都唔韧，仲几乎入口即溶。同样地，啲牛筋亦都非常软腍，好滑脱脱好淋。而且无论系牛肉定牛筋，都同样非常入味。
味道:4.1/5 (啲肉真系好好好好正，但系面条就麻麻，汤底不过不失)
性价比: 4/5
芝士肉松蛋饼 $42
好欣赏呢一间嘅蛋饼，尤其钟意佢嘅皮！唔系𠮶种煎到好香脆嘅蛋饼，但系就好烟韧，好钟意呢个口感！而且入面啲肉松亦有少少脆，咸咸地更配埋芝士一齐食真系好正！
味道:4.7/5
性价比:4.3/5
家传盐酥肉便当 $59
盐酥肉比较少听，而且讲到系家传，所以决定试一试。其实𠮶炸粉同盐酥鸡差唔多，不过几欣赏佢盐酥肉嘅份量都几大，之前曾经喺另一度食过啲盐酥肉嘅炸粉仲厚过啲肉，但系呢一间就真系食到啖啖肉，而且肉质都几淋，冇因为炸完之后变到好鞋。
至于个肉燥饭就一般，肉燥嘅份量比较少，绝对唔够捞晒成碗饭，而且唔算好多肉，酱汁亦唔算特别浓。
另外𠮶便当中配有一啲酸菜、花生面筋同埋青瓜，味道都系正正常常，普通配菜。
味道:3.9/5 (啲肉几正，但系饭同配菜冇乜特别)
性价比: 3.5/5
整体来讲，最欣赏呢间餐厅嘅蛋饼，另外佢哋嘅肉类食品唔错，包括佢哋嘅红烧牛肉牛筋同埋盐酥肉，但系啲饭面就麻麻哋，未至于好好味，但系得闲经过都可以食下。
红烧牛肉牛筋面
$69
100 浏览
0 赞好
0 留言
芝士肉松蛋饼
$42
211 浏览
0 赞好
0 留言
家传盐酥肉便当
$59
162 浏览
0 赞好
0 留言
张贴
