幸福堂 (已結業)

时不时经过「幸福堂」都会买翻杯嘢尼饮，其实除左最招牌嘅黑糖珍珠鲜奶之外，我觉得有2款饮品都系值得推荐嘅、系我心目中幸福堂嘅必点单品。红豆鲜奶，红豆蓉口感好软腍、有起沙、味道香甜，日本明治牛奶好醇厚、幼滑，整体成杯饮品唔会太甜，因为甜度主要依靠红豆嘅甜味。抹抹暗恋抹茶珍珠鲜奶，抹茶味道非常浓郁、带点回甘，日本明治牛奶好香浓，珍珠系采用自家制嘅草莓珍珠，味道较为清甜、口感烟韧，珍珠浅红色的外表非常梦幻加上渐层效果好适合打卡。