CURATOR Art & Café (已結業)

今日同朋友去咗K11 musea食嘢，見到呢度餐廳有好多藝術品仲有村上隆花花各種精品可以買，充滿藝術元素，賣相相當吸引。果然係個打卡熱點餐廳人流都好多，先要喺門口等一兩張枱。小食炸魷魚冬甩配黑松露蛋黃醬汁，魷魚好軟滑，並唔係一般裏面原條魷魚咁，炸粉薄薄一層，外脆內軟。香蒜橄欖油意粉，大量嘅新鮮蘑菇配上松露醬，松露嘅味道濃郁，用咗橄欖油煮嘅意粉特別香，意粉好q彈，面層仲有帕馬森芝士脆片，芝士味道非常香濃，真係令人食指大動。我哋仲叫咗一個甜品，個名好得意叫做斯人若彩虹，遇見方知有。果然係麵包上的美味，朱古力榛子醬同麵包真係好夾，食落去味道唔會太甜仲有好多配料士多啤梨、棉花糖、杏仁片等影相好靚，味道清新得後唔甜膩。飲埋杯香滑既mocha，好滿足。