Soi.29

营业中

休息中

之前睇电视介绍已经好想食，有次星期日行过想食先知星期日唔开。今次星期六过嚟，大概18:15到，等咗1个钟就入到去食啦。生虾新鲜，酱汁开胃。炒嘢果然好有锅气，醉猫炒河出晒烟好香，即叫即炒要衬热食，否则河粉冻咗会痴埋一旧。飞天通菜简单蒜香好惹味。串烧拼盘有猪肉、鸡肉、鸡软骨和香肠，吃香肠就知有烧烤风味，加上应是自家调制的串烧酱汁，十分香口。蟹肉奄列真系有蟹肉，蛋味较重，香口但不会油腻中。椰青中肉嫩水多且清甜。龙眼冰友人饮用，我无试过，但个样好泰国风，而且佢饮晒，应该不错。餐厅环境比想像中阔落，坐得几舒服，几有泰式风情，周末去食餐当去咗泰国。总体来说，食物样样都好，值得去吃，但迟啲夏天再热啲要排队等就有点辛苦了。