樂園 (已搬遷) 新店位置

收工同朋友約了尖咀食飯傾計，揀咗呢間樓上cafe，都幾易搵，isquare 對面便是。一嚟就當然清新啲沙律啦！呢個沙律嘅豆腐增加了整個清新度醬汁都係我喜歡的芝麻醬配上新鮮菜同蕃茄真的不錯！值得一試！小食方面，我們點了這個明太子泡菜釀雞翼，味道不錯，裡面泡菜不多不會太辣，煎得恰到好處！還有這個炸手指魚，魚肉相對有點鞋，勝在炸粉不多，不過不失！主食我地點了两款，戀之花三文魚意粉嘅三文魚好大塊同好多塊，相當夠份量！意粉醬汁有點黏稠，芝士味也頗濃！不錯！這個黑松露帶子義大利飯，黑松露味也很重，非常香！也不會太黏稠，但也不會感到稀，帶子不過不失，冇雪藏味。飲品我點了這個「紅」，名字特別，但其實就係水果蘇打試管的士多啤梨汁倒入蘇打水，都ok嘅，水果係新鮮的呢度都有條超級得意嘅貓，佢會同人玩㗎！