Cocina 3 Tapas Restaurant & Bar (已結業)

平时好少食西班牙菜，衬住好友生日约埋佢去Chill下Relax下，门口以砖墙作装饰，入面光调偏暗好有西班牙的格调，直望可以见到一整列的Open Kitchen 同Bar枱，装修非常有心思！餐前小食墨西哥脆片香脆，沾上酸甜忌廉酱真系会食唔停口，原来可以无限Refill，我地紧系留肚食主菜啦！烤和牛舌配蕃茄莎莎牛舌上插上西班牙国旗，好有气氛，牛舌煎得香口软身，配埋蕃茄莎莎一并食唔会太有油腻感。西班牙传统陈醋烩猪仔脾浓香的陈醋味烩上猪仔脾卖相显得比较深色，味道酸酸地几开胃，个人比较喜欢淋身啲的猪仔脾，另外仲配有甘笋仔和薯条，送啤酒一流。天多尼鸡肉自家手打薄饼全部薄饼以自家手打制作，一上枱已经被佢的香气吸引，即刻切开有拉丝的画面，热哄哄的想即时放入口，配料方面有鸡肉、蕃茄仔、红椒和黄椒，饼皮系厚身的，食落都几香脆，但系记得要快啲食，冻咗就无咁正。吉士拿破仑超级酥脆的拿破仑脆饼，配埋吉士酱，食得出制作很用心，每一啖都系滋味，系我食过数一数二好味的拿破仑。