影片
更多
2009-01-05
160 浏览
之前系铜锣湾时代豆业买过红豆糕,糯米磁和芝麻糕等糕点. 几好食,可算中上!~ 比起油麻地街市仲差少少. 但今天系登龙街食完饭行过, 突然见到我由细到大都好中意食的"手粉"㖞!~(虽然唔知点解现在叫做"云片糕".) 但我一见到已经认出系我朝思梦想的"手粉"!!但怕人有相似,物有相同!~ 行去问个店员: "里面咩馅呀?" 佢一答:"里面系花生!!"我就知道佢系我失散左有十年以上的"手粉"啦!!~ "客家手粉"系白雪雪一旧, 以糕粉来蒸熟, 以花生做馅, 7-8cm 正方形, 1cm厚,的糕点. 虽然系蒸出来, 但唔系湿的, 系干身,烟韧的.(需知北方的云片糕和客家手粉虽然材料和成品个样好似, 但其实佢两个真系好唔同的, 云片糕系好干, 耐放, 而手粉系比较烟韧和有少少"赵"头的) 即时唔理三七廿一, 马上叫店员"我要哂佢呀唔该!"haha!~ 一声唔该足足有八件咁多的手粉比我一扫而空!~ 一回到家马上比我咀刁妈妈品尝一下. 佢一食就话:"哗!~ 你系边找到呀? 我都十几年无食了, 仲要做得几好!~ 少少烟韧, 唔太甜, 系唔够多馅. 但都ok!" , 经我咀刁妈妈一赞, 我两个阿哥和姪仔都
但今天系登龙街食完饭行过, 突然见到我由细到大都好中意食的"手粉"㖞!~
(虽然唔知点解现在叫做"云片糕".) 但我一见到已经认出系我朝思梦想的"手粉"!!
但怕人有相似,物有相同!~ 行去问个店员: "里面咩馅呀?" 佢一答:"里面系花生!!"
我就知道佢系我失散左有十年以上的"手粉"啦!!~ "客家手粉"系白雪雪一旧, 以糕粉来蒸熟, 以花生做馅, 7-8cm 正方形, 1cm厚,的糕点. 虽然系蒸出来, 但唔系湿的, 系干身,烟韧的.
(需知北方的云片糕和客家手粉虽然材料和成品个样好似, 但其实佢两个真系好唔同的, 云片糕系好干, 耐放, 而手粉系比较烟韧和有少少"赵"头的)
即时唔理三七廿一, 马上叫店员"我要哂佢呀唔该!"haha!~ 一声唔该足足有八件咁多的手粉比我一扫而空!~
一回到家马上比我咀刁妈妈品尝一下. 佢一食就话:"哗!~ 你系边找到呀? 我都十几年无食了, 仲要做得几好!~ 少少烟韧, 唔太甜, 系唔够多馅. 但都ok!" ,
经我咀刁妈妈一赞, 我两个阿哥和姪仔都来抢食!!~ 唔使五分钟! 无哂!!!!
但睇大家食得咁开心! 我都好欣慰!~
讲起这个"手粉" 其实系d平价野, 但现在真系找唔到, 对上一次食已经系十几年前系油麻地街市一个婆仔卖, 现在唔知系个婆仔揾够定香左, 无得再买!~ 之后四维走去揾, 去过旺角,元朗, 慈云山, 连大澳都找埋, 都系无!~ 有好多买客家糕点的地方直头话未听过..... 冏..
估唔到会今晚比我撞返佢! 劲开心!~
今次真系好开心, 可以找返佢回来, 仲要系做得几好!~ 虽然唔系那些大家耳熟能详如茶粿, 鸡屎藤等大路客家糕点, 但这近乎绝种的糕点,大家不况去试下!~
ps: 最衰唔记得影张相先!~ 下次upload 比大家睇下!~
仲有如大家知那儿有售, 请告知小弟, 唔使我次次要过铜锣湾才有得食!~
张贴