影片
更多
2018-02-27
800 浏览
好耐冇同好闺蜜食Afternoon Tea，收到铜锣湾Mira Moon嘅西班牙餐厅Supergiant Tapas & CocktailBar推出「粉红气泡」下午茶、食完Tea仲有我最爱嘅Moët & Chandon Rosë香槟送嘅消息，小妹第一时间打电话去Book枱！首先上枱嘅系Moët & Chandon粉红香槟Cocktail，大家都知道Moët & Chandon Rosë味道偏酸，但Cocktail加入荔枝糖浆后，味道即刻变得甜蜜易入口，配埋玫瑰花瓣嘅清幽花香同杯边嘅粉红沙糖，浪漫醉人，小妹忍唔住饮完一啖又一啖，未上个Tea Set，酒已经冇咗一半。终于上Tea Set喇！以木架呈现嘅咸、甜点多咗一份优雅感觉，小妹习惯先食甜点，因为个人认为结尾食太多甜嘢会感觉好Full，所以通常都唔会按章「作业」。经过侍应一番介绍之后，首先食嘅系主打嘅「粉红火烈鸟忌廉泡芙」，粉红色嘅泡芙酥皮整成火烈鸟模样，非常可爱。一口咬下，外面微脆，内里Creamy，系一个好嘅开始。「朱古力脆脆蛋糕」集合5层唔同质感嘅朱古力，底层系可可脆米，面层又有朱古力脆脆，食落多重口感，系我嘅最爱！「热情果朱古力
Bar推出「粉红气泡」下午茶、食完Tea仲有我最爱嘅Moët & Chandon Rosë香槟送嘅消息，小妹第一时间打电话去Book枱！
首先上枱嘅系Moët & Chandon粉红香槟Cocktail，大家都知道Moët & Chandon Rosë味道偏酸，但Cocktail加入荔枝糖浆后，味道即刻变得甜蜜易入口，配埋玫瑰花瓣嘅清幽花香同杯边嘅粉红沙糖，浪漫醉人，小妹忍唔住饮完一啖又一啖，未上个Tea Set，酒已经冇咗一半。
终于上Tea Set喇！以木架呈现嘅咸、甜点多咗一份优雅感觉，小妹习惯先食甜点，因为个人认为结尾食太多甜嘢会感觉好Full，所以通常都唔会按章「作业」。经过侍应一番介绍之后，首先食嘅系主打嘅「粉红火烈鸟忌廉泡芙」，粉红色嘅泡芙酥皮整成火烈鸟模样，非常可爱。一口咬下，外面微脆，内里Creamy，系一个好嘅开始。
「朱古力脆脆蛋糕」集合5层唔同质感嘅朱古力，底层系可可脆米，面层又有朱古力脆脆，食落多重口感，系我嘅最爱！
「热情果朱古力」味道比较浓郁，黑朱古力同热情果酱味道相配，热情果酱嘅甜可以中和黑朱古力嘅苦，甜苦相间。
不过「红粉绯绯朱古力迷你冬甩」就比较甜腻，口感偏软而欠弹性，而「香槟Macaron」、「盐渍樱花法式小蛋糕」、自家制「英式提子松饼」则比较平凡，惊喜唔大。
相反，三款咸点比较取胜，「白毛猪火腿水晶包」采用咸香度十足嘅白毛猪火腿，配合烤焗脆口嘅水晶包同清新嘅蕃茄蓉，令白毛猪嘅香味更突出；「卡门贝尔芝士伴无花果酱」系小妹嘅最爱，无花果酱甜甜蜜蜜唔会太腻，卡门贝尔芝士经过轻烤，奶味浓郁，质感香软，食完之后，芝士余韵充满整个口腔；「鱼子酱青口吐司」采用口感软滑嘅BB蓝青口同粒粒分明嘅黑鱼子，口感丰富，层次分明。经验话我知，将咸点放到最后系冇错嘅！
食完Tea仲会每人送一枝Mini版Moët & Chandon Rosë（冇记错，出面买一枝要$180），真系惊喜无限，$348+10%一个Tea Set，仲要每人送一枝差唔多$180嘅香槟，条数你识得计啦！所以快啲约埋好闺蜜去试啦！
张贴
