現代煮意 (已結業)

寻日中午刚刚落机谂住继续返公司搏杀，自己一条友想食饱饱先返公司。系香港站发现有新揾食地方，这店标榜健康饮食，餐牌上更提供每一个餐的卡路里含量。其中最有趣系呢间店的炒饭，原来系薏米炒饭！薏米煲汤就听得多，炒薏米就真系未听过。靓女老板娘仲好有心机介绍薏米的营养价值，低糖高纤，仲可以利尿去水肿。忍唔住叫个泰式鸭胸炒饭试下。d炒薏米真系好烟韧，同平时d炒饭唔同，最重要系唔肥，又有好香的香茅味，见到自己食完个碟系冇油就知！比较可惜系d特饮卖晒，下次一定要试个五青汁。中环终于有个价钱合理的健康外卖真好!