金利來食坊 (已結業)

　有四十年历史嘅牛头角下邨，快将成为香港人嘅集体回忆，呢个香港硕果仅存的嘅徙置屋邨，吸引唔少龙友去影相，自然有其特色之处。　镬风十足嘅大牌档，亦系牛下街坊同街外人公诸同好之地；上个礼拜四同埋几个朋友去呢度开餐，谂住试下佢地啲锅贴炸虾饼同埋蒸扇贝。　一入到去，就闻到一阵好难闻嘅曱甴屎味！相信𠮶度都有唔少「小强」匿埋，但好彩冇出现。可能时间尚早，除左我地只有另一台、一男一女的客人。　后来𠮶度人气多咗，阵味先冇咁劲，但都忍唔住，食完就走。　虽然𠮶度啲嘢系特色同几好食，但系衞生都好重要架！曱甴会传播疾病架，尤其是而家猪流感咁猖狂，几好食都系咁话！