Made in HK Restaurant (已結業)

谂住同个fd lunch 据个扒，谂住食左好多次金记想转下口味，见佢个餐牌影到个扒咁靓，同个fd一齐叫左块肉眼扒试下。拿，个lunch$128加一，一啲都唔平，想拣可以有好多其他选择。一开头忌廉汤系不过不失嘅，个餐包亦好软熟，令我误以为个主菜-肉眼扒都会好好食。等左冇耐个主菜到左，卖卖是ok的，但我决定食左个薯条先。!冇味嘅。唔紧要，我自行洒左好多盐，企图令个薯条好食啲。坦白讲本身我其实想食麦记个shakeshake薯条，但因为个fd想据扒先转过黎食，真心好失望。心谂唔紧要，仲有块扒。岂有此理。。完全系有雪味，仲要劲多筋...佳宝腌嘅扒真心好食过佢。加埋平时非常普通的铁板黑椒汁，个combination 真系好match得黎好难食，我好肯定大快活个铁板好食过佢好多。埋单四百蚊，真心觉得佢抢左我钱T.T到而家仲觉得有啲hurt。如果大快活个扒有7.5/10，呢个肉眼扒嘅分数会系零分。如果好食俾呢个价好闲，但真系好难食，唔信可以徙钱试下