巨一麵堂 (已結業)

见好耐放假无同妈妈出过街，所以就去佐敦附近逛逛街。唯有随意入左一间拉面店。呢间拉面店标榜牛舌为自己主打，所以我地叫左两碗牛舌拉面，加一份炸蚝，但可惜质素都系偏中下。牛舌的确系无咩毡味！但味道一般😅！1️⃣牛舌拉面有5块牛舌，同少量云耳，牛舌都切得比较薄，坦白讲成碗拉面𩠌/配料份量真唔够。2️⃣拉面份量都多，但可惜面质一般。3️⃣拉面汤底有盐味同酱油味，味道都算浓，但唔知点解两碗汤底都加左好多麻油同黑椒，两种调味真确系令汤底香浓，但味道好似有点格格不入😅，而我碗酱油味汤底唔知点解越食越似出前一丁汤底！炸蚝就水准一般，炸粉厚，同炸蚝厚度一比一😂，而蚝🦪味道都只一般，好重油腻味，卖$46有点贵！店员态度有待改善，1️⃣店员经常要求顾客坐指定座位，即使成间舖系没有顾客，并多番提醒🔔，让客人感到不舒服！2️⃣用餐时，当我拍照时，我将櫈微微拉出，打侧坐，店员就话我坐势唔好，会阻碍其他人，但实情系唔会阻到店员经过。整体上觉得店员不友善！整体而言我认为食物质素表现中下而店员服务态度欠佳。唔建议大家食后记：食完夜晚我同妈妈都肚痛，应该系炸蚝D油唔新鲜干净，大家食前真要三思！