影片
更多
2020-06-26
287 浏览
今日嚟左呢间餐厅食个early dinner，点知极度失望。餐厅座位尚算舒适，枱同枱之间都隔得开，唔会话好迫。我地嗌左一碗蕃茄牛腩粗面，10分满分嘅话，佢得3分。首先啲粗面系极度难食。啲面唔只系淋，直情系糊哂，一pat嘢咁，啲面系咪煮左半个钟? 牛腩有4旧，都几淋，一咬就咬得开，但有阵骚味。蕃茄汤底都ok，都够蕃茄味，3分就系俾个汤底嘅。跟住嚟左个盐酥鸡，呢个有7分。个鸡炸得几脆，几香口，无乜味，唔系好够咸，好彩上面有一大pat蒜泥，捞埋嚟食都有几好味。嗌左杯芋香latte，呢杯嘢得2分，淡如水，无乜奶味，少少芋头味，完全唔掂。之后发现原来佢系开粉冲嘅，(个职员系我隔离位 揭开张凳攞咗包写住香芋粉去厨房)我宁愿出去奶茶店买， 好饮过佢好多。最后叫佢上埋个甜汤啦 ， 即系有芋圆珍珠红豆同仙草嘅糖水，好难食，10分得1分。佢碗嘢好大，系for 两个人食嘅，佢个甜汤底系深啡色， 以为系黑糖煮㗎啦，但系完全冇黑糖味， 似系就咁热水加埋啲白糖， 都唔知有冇煲过嘅 ，好少嘅甜味，好稀好淡。仙草有三块，好淋，红豆硬嘅，珍珠ok芋圆佢有两只色浅黄同紫色，极度难食，浅黄色唔知系咪地瓜圆完全冇地瓜味， 出
餐厅座位尚算舒适，枱同枱之间都隔得开，唔会话好迫。
我地嗌左一碗蕃茄牛腩粗面，10分满分嘅话，佢得3分。
首先啲粗面系极度难食。啲面唔只系淋，直情系糊哂，一pat嘢咁，啲面系咪煮左半个钟? 牛腩有4旧，都几淋，一咬就咬得开，但有阵骚味。蕃茄汤底都ok，都够蕃茄味，3分就系俾个汤底嘅。
跟住嚟左个盐酥鸡，呢个有7分。个鸡炸得几脆，几香口，无乜味，唔系好够咸，好彩上面有一大pat蒜泥，捞埋嚟食都有几好味。
嗌左杯芋香latte，呢杯嘢得2分，淡如水，无乜奶味，少少芋头味，完全唔掂。之后发现原来佢系开粉冲嘅，(个职员系我隔离位 揭开张凳攞咗包写住香芋粉去厨房)我宁愿出去奶茶店买， 好饮过佢好多。
最后叫佢上埋个甜汤啦 ， 即系有芋圆珍珠红豆同仙草嘅糖水，好难食，10分得1分。
佢碗嘢好大，系for 两个人食嘅，佢个甜汤底系深啡色， 以为系黑糖煮㗎啦，但系完全冇黑糖味， 似系就咁热水加埋啲白糖， 都唔知有冇煲过嘅 ，好少嘅甜味，好稀好淡。仙草有三块，好淋，红豆硬嘅，珍珠ok芋圆佢有两只色浅黄同紫色，极度难食，浅黄色唔知系咪地瓜圆完全冇地瓜味， 出面系软林嘅但系入面系粉状嘅，有少少甜味，咬完都唔知食紧啲乜。 紫色芋圆一样，出面软嘅入面系粉粉哋嘅，我真系未食过咁难食嘅芋圆。
呢间所谓台湾食店，牛肉面唔ok，芋圆糖水又唔得 ，连嘢饮都难饮嘅， 睇得出去佢完全冇心冇诚意去整嘢食，浪费晒啲食材，真系唔会再帮衬。
张贴
