混亂拉麵 (已結業)

同朋友约喺深水埗聚会，上网见到呢间拉面好似几特别有芝士味嘅拉面。所以就过嚟试吓啦，我哋六点钟松啲就到啦，所以冇乜人。我就叫咗个芝士拉面，朋友就叫咗个普通拉面。食物一上枱觉得分量好劲，劲大碗而且好多芝士粉，望落好似好好味。点知道食落个味道超级奇怪，芝士粉同日式既拉面汤一啲都唔夹，个味好酸，好似胃酸𠮶只味，未试过食啲咁难食嘅拉面。反而试吓朋友个普通嘅拉面，味道正常好多，平时唔钟意浪费食物嘅我，因为个拉面真系太难食，最后都食唔晒，肯定冇下次。