小王牛肉麵 (已結業)

平时行开vcity都经常见到有人排队，心谂应该好好食，点知……今晚行过见冇人排队，就谂都唔洗谂即刻走入去，叫左一碗半根半肉牛肉面，一份蚵仔煎，一碟金钱肚粉皮同一杯珍珠奶茶。由落单开始大约2分钟牛肉面已经送上，心谂第一样送到枱上竟然唔系凉拌而系牛肉面都觉得神奇，果然啲汤咸到食完要洗肾，啲面都未熟透，啲牛肉又干又柴，食左小小顶唔顺，为自己健康著想，宣布放弃……等左大约15分钟蚵仔煎同金钱肚粉皮一齐送上，碟蚵仔煎我相信请台湾朋友食佢地都唔敢相信呢碟系蚵仔煎，完全食唔到蚵仔煎味道，只系知道自己系度食紧粉浆……至于金钱肚粉皮啲金钱肚有阵唔知系雪味定叔味，总知就系怪味……至于当晚最正常就系杯珍珠奶茶，留意系正常并唔系好饮……结帐总数$197蚊，希望呢间小王牛肉面可以早日结业，唔好再献丑，咁难食既野相信只有星期六日啲大陆自由行去食，正常香港人试过一次都唔会返转头……