法國佬烘焙店

营业中

休息中

今日入西贡搭小巴嘅时候，经过见到有间新开嘅法国佬烘焙。因为喺法国住过一段时间，对croissant有情意结，所以特登行过去买一个牛角包，谂住试吓。入边都几靓，仲播埋啲法文歌同有张cert 好似好劲咁，d包下面都有啲法文名好似好authentic咁。讲返个包，牛角包卖$23 ，望落都几靓仔，就系经典牛角包🥐嘅样。但我食第一啖时就后悔了，个牛角包完全冇佢应有嘅牛油香气同酥脆嘅口感，食落去有d韧，就只系似一个普通港式面包舖嘅猪仔包，但中间仲有少少苦涩味。总括而言，如果你想裹腹又唔介意比呢个钱，你都可以试吓，但如果你想食一个真正嘅法式牛角包，我建议你去都系去过第二间。