Simplylife Bakery Cafe (已結業)

长期长龙的simply life，系18:09去到太古城，终于食到。不过要坐bar台，初头念住岩我八卦性格可以睇住厨师煮𩠌，不过抽风做得麻麻，厨房油烟搞到我鼻敏感发作。成餐饭不停打喷嚏，十个喊。叫左个扒，一碟粉，set餐选橙茶，同沙律。沙律新鲜爽口，但食到底觉得个酱汁有点浓。扒餐男朋友食既，见我完全食唔落个粉，可怜我，切左D比我。肉ok的，肉质tender，有汁，唔驶落太多调味都ok。不过煎得唔好，表面无焦脆，里面太生。我叫的是medium well......之后讲返个好难食意粉，个汁不知所谓，我觉得系材料不新鲜，有臭虾味。上碟有一只大虾，几只虾仔，煎到干晒，真系非笔墨能形容的难食。D 粉又淋又软，虽则我食得慢，都都不至于食第一啖就淋bear bear。之后好客气同经理讲难食，经理讲一大堆呢个𩠌系龙虾汁加ABCDF......煮成的，系会比你平时食既浓味少少。我非什么大食家，但有正常脷既应该都会觉得难食。成餐得个蛋糕系好味的，香蕉tart，但呢D中央叫货既嘢，正常味也是应该吧。