滿樂中菜 (已結業)

我早两日打电话订左片皮鸭，但原来即日嗌都有，大家唔驶预早打去订，无论你几早订，片皮鸭要等到甜品环节先到，比定心理准备要等两个钟！😤片皮鸭味道偏咸，完全唔可以点酱汁食。另外，成碟鸭同啲皮都唔热嘅。梅菜猪肉，刀功好好，每块切到劲薄，无梅菜猪肉的口感。蒜香柚子蒸鳝，鳝系新鲜嘅，但鳝同柚子味道完全唔夹。杏汁白肺汤算系全餐饭最正常，不过不失。寿桃包好大个，每个有原只蛋黄，都算系正常，不过不失。环境好嘈，每一个侍应都只会低头密密做，举手揾侍应要十分钟先有人望到你，坐低叫左三次先开到壶茶。总结，唔会有下次。