TC2 (Tea Coffee Two) (已結業)

约朋友聚会，想倾计多d，系OPENRICE揾到尼间Cafe，于是去试下。由太子地鐡站去，都唔容易揾，附近好多装修材料舖，揾左一阵先揾到，完全唔似有食肆的地方。星期六约六点钟去到，唔驶等位。我地坐楼上阁楼，环境不错，布置特别，可见有心思，初时人少很宁静，后来人多很嘈吵，因为是阁楼的关系，很嘈吵，和同桌的朋友聊天都要像吵架一样大声。饮水的杯好污糟，有油迹，似洗唔干净，要求暖水，只有冻水。餐牌选择一般，选了个晚餐，但晚餐其实不是套餐，和单点没分别，因为餐汤、沙律、面包和餐饮全部都要额外加钱。我点了个盐烧鸡脾菇意粉，朋友点了个蚬肉天使面(忘记餐牌上所列的是什么汁还是没有汁的)，等左超过45分钟，多番催促先有得食。意粉很干身无咩味道，好难吞，向侍应要求一点汁料，佢俾左辣椒酱同芝士粉，一系辣，一系仲干，试谂下冇乜𩠌又干既斋意粉点食？朋友的天使面都系除左辣都冇乜味道。食物的质素根本不值，而且服务质素低劣，永远唔会再黎尼间野。