魚之神日本料理 (已結業)

原本我地一行人想o系新都城一期间意大利餐厅食晚饭, 但等左成个钟都未有枱, 朋友o系附近揾到呢间餐厅无乜人等位。一坐落去见到D餐具唔系洗得好干净, 已经心知不妙, 不过我地一大班人, 礼拜六附近餐厅都大排长龙, 所以都无理咁多。于是我地攞张ORDER纸填, 点知发觉张ORDER纸俾人填过, 再攞第二张又系俾人填过, 再攞...又系..., 原来佢地好环保, 将D ORDER纸循环再用, 我都支持环保, 但系唔该佢地擦得干净D啦!讲返重点食物啦!炸鸡软骨, 外面层炸粉好厚, 仲硬过入面旧鸡软骨! 鳗鱼玉子烧, 好似食煎蛋咁, 完全食唔到有鳗鱼!三文鱼刺身, 好厚身但食唔到鲜味, 仲觉得有D韧同埋有根! 三文鱼软壳蟹反卷, 上面块三文鱼又梅又冧, 好唔新鲜!寿司, D饭好松, 好易夹散!价格一D都唔算平, 呢度个餐牌应该系旧既, 宜家果个价钱仲贵过旺角好多日本餐厅!总结: 贵夹难食!