天后甜品 (已結業)

之前系天后区食晚饭时听到隔离台话呢间新既甜品好OK~个晚宵夜就去左试~但点知劲失望!我点左个木糠布甸，D布甸既CREAM一D都唔滑，好多粒粒，味又淡，似用淡忌廉做咁~好腻既感觉。D木糠又湿立立咁~我宁可去过街尾另一间老牌甜品食木糠布丁~我仲点左个芝麻糊!个芝麻糊一望就知好稀好水咁~卖相都算喇，我一食落去........甜都癫!我完全觉得自己好似饮砂糖开水咁!一d芝麻味都无~我唔想浪费左碗野，所以就叫左老板娘帮我加D热水，因为真系好甜~自问好食得甜既我都真系顶唔顺!加左水之后更加稀.......但个甜既程度我依然顶唔到!食左都唔够半碗就放弃左!!!(亏佢自称低糖少甜)买盒「日X美味X」都好过佢!我朋友就点左个热既炖蛋~系个面干少少(明显系翻热)....但入面都尚算滑，不过就完全食唔到蛋味~得少少姜味同甜味!我地仲有点左个糖不甩.....等左好耐好耐先有....好热辣辣，质地都算OK~但D糖.....好少.......同埋因为佢用砂糖，个味始络唔及黄糖/片糖香。OVERALL黎讲，系绝对失望!半年内都一定唔会再帮衬!寄盼佢半年后会有多D经验同进步先再试!